Lower Kharthong constituency sunga PHE tui lutna hmasatak

Hmunthazau, August 10, 2014: Tuta kar liemtah Nilaini August 6 khan North Cachar Hills Autonomous Council (NCHAC) chairman Ngamrothang Hmar-in Lower Kharthong constituency-a Hmar khuo Hmunṭhazau-a PHE tui lutna hmasatak ding hongna a nei.

Hi ‘Water Supply Scheme’ hi kum 2013-14 sunga State Plan hnuoia riruong a ni a, PHE Haflong Division haiin enkol an tih.

Hmunṭhazau a hin PHE department anthoka a voikhatna le constituency a dinga a voikhatna le hmu hmasatakna a nih. Hi scheme hongna programme hi ṭha tawk taka nei a ni a, department anthok mi iemanizat khom ṭhangin, zantieng ruoi kiltlangna nei a nih.

Chanchin ei dongdanin, Hmunṭhazau khaw sung mipui an hlimin an lawm hle a; area, constituency sunga la um ngailo thil keiluttu bieltu NCHAC executive member le chairman Ngamrothang Hmar chung-ah lawm hle-in, hmatieng peia khom hieng neka ṭha lem mipui ta ding le hnam ta dinga a thaw pei an beiseipui bok a nih.