Hi huna hin Pu Lungmuana, IAS khuollienin a ṭhang a, Pu B. Zodingliana,MDC Guest of honour in a ṭhang a, President MPC; President, MZP GHQ, Aizawl Mizoram hai chu chief host le functional president in an ṭhang a, GYMA, MLA hai special Guest le student Organisations hai Special invitees in an ṭhang.
Pu Lungmuana, IAS chun, students hai chu general line-a lut el lova professional course tiengpang baw dingin an fui a, vawisuna inchuklaihai hi zinga ei ram le hnam ṭhuoitu la hung ni ding in ni leiin tumru tak le tum bik neiin lekha inchuk ro tiin an fui.
Hi huna hin Class X-ah mi 42, Class XII (Arts) mi 26, Class XII (sc) mi 33 le Ph.D. hmu thar mi 2 hai kuoma Citation le lawmman pek an nih.
Class X first le second position hai Rs. 5000 le Rs. 3000 + Citation pek an ni a, Class XII (arts) topper kuoma Rs. 7000+ Citation le Class XII (Sc) first le second position hai Rs. 10,000 le Rs. 7000 inhlan an nih. Lawmman hai hi khuollien in a tum vawng an nih.
