Prelims-a tling Mizoram mi 138 kuoma ṭhangpuina pek

Aizawl, August 21, 2014: Kum 2013-14 sung khan UPSC, SSC le State Public Service Commission-a competitive exam-a prelims inziek tling Mizoram mi ṭhalai 138 hai kuomah “Support for Students Clearing Prelims” ṭhangpuina Rs. 50,000 seng pek an nih.

Mizoram Scholarship Board (MSB) hotu hai hrildanin, sorkar thlungpuia Ministry of Minority chun UPSC, SSC le State Public Service Commission prelims-a inziek tling hai ṭhangpuina “Support for Students Clearing Prelims” a pek hlak a, Mizoram-a dingin MSB chu Nodal department a nih, tiin an hril.

UPSC/SSC le State Public Service Commission prelims-a inziek tling hai chun MSB fethlengin ṭhangpuina hi an hni thei a; National Commission for Minorities Act, 1992 Section 2 (C)-in a hril angin ṭhangpuina hnitu chu minority community laia mi a ni ding a ni a, kum khat sunga sungkuo sum lak lut zat chu Rs. 4,50,000 chena tlawm ding a nih.