TOPICS

Browse news based on the categorised topics:

Sorkar-in All India Services rules a siemṭha

Posted by Lalremlien Neitham

New Delhi, August 9, 2014: Prime Minister Narendra Modi keihruoi NDA sorkar chun civil service-a officer hai keihruoina dan – All India Services (Conduct) Rules ennon a ni hnungin zani khan a suksuok.

Rules siemṭhat suksuok-ah hin officer hai chu thutlukna an siem le annawleh thil an thlang reng rengin a ṭhat dan indota fepui ding le mipui hai ta dinga nel um tak le inhong taka um dingin a tih.

Inkeihruoina thar chun, officer hai chu politics tieng ṭan lem nei lo ding, an sin angin mipui hai ta dinga ṭha dinga an hriet hai chu puongzar hlak ding, an sunghai le ruolhai ditsakna ding thutlukna siem lo ding le vantlang thil hai a ṭangkai thei anga hmang dingin a ti bok.

Rules tarlanga hin, officer hai chu sorkar thu poimaw hai thedar lo ding, abikin ram himna keihnawi thil hai chu thup ding, ram ṭhatna ding ngaituo ding, rambung dang hai leh inzomna ṭha tak nei dan ding ngaituo dingin a ti nok a nih.

Officer hai chu an sin-ah an thiemna tak tak suknlang ding, danpui zawm ding, ram inpumkhatna le thuneina vong hring zing ding, an sin indik taka fepuia tu khom enhran biklo ding, abikin mi thilthaw thei le mi hnuoihnung lem hai thlier hrang lo dingin a ti bok a nih.


SHOW YOUR ADS HERE

Blog, Updated at: 10:24 AM

Receive updates by e-mail

RECENT NEWS

RECENT COMMENTS

Blog Archive