Kar hmasak Zirtawpni July 17 zan khan Imphal East district huom sunga Kakwa Lamdaibung khawmi Thongbam Jiten (k. 47) chu Kangleipak Communist Party (KCP) hel ni dinga intumin 40 Assam Rifles sipai hai chun man a, an soisak hrep hnungin a zing-ah police hai kuoma an inhlan chauh niin ei thu lakna chun a hril. Assam Rifles hai hrildan chun, Jiten kuoma inthok hin 9mm pistol le a mu live round 4 an dapsuok niin an hril.
AMNSDA hai chun, Jiten hi an thok chanpui a ni a, helpawl leh inzomna iengkhom a nei naw thu zanita an thusuok-ah an tarlang a. An thokpui man le suknomnat a nina thu-ah thuthar semtu le zortuhai lai ṭit thawngna nasa tak an tlung tir pha thu hrilin, sipai hai thilsuol thaw chu an demna le an lungawinawna inentirna’n voisun hin thutharbu an sem dar naw ding thu an puong bok a nih.
Hienglai zing hin, Imphal-a nitin suok thutharbu hai khomni a semtu le zortu hai nuorna lei chun an thutharbu haiin a tuor pha ding an leiin, an sutsuok naw ding thu an puong bok a nih.
