Thla hmasak June 26 khan Ashwani Kumar chu Nagaland governor anthokin an ban leiin governor ṭhungna hi a ruok a nih. Tripura governor ruot thar a ni hma po, Tripura governor sin khom Acharya hin chel bok a tih.
Kum 1995-2000 sung khan Acharya hin BJP national secretary sin a lo chel ta a, khang hun lai khan BJP hai NE incharge a ni bok a nih. Rashtriya Swayamsevak Sangh (RSS) inchuklai pawl Akhil Bharatiya Vidyarthi Parishad (ABVP)-a khom national president sin a lo chel ta a nih.
Thu insam hun a hin Nagaland chief minister T R Zeliang, Nagaland MP le CM hlui Neiphiu Rio, cabinet minister, BJP Nagaland unit president M. Chuba Ao, NPF president Shurhozelie, senior bureaucrats, police and Army officer hai khom an ṭhang bok a nih.
