Assam MLA hai hlaw sukpung ding

Guwahati, August 14, 2014: Zani khan Assam Assembly House inkhawmna-ah Bill 7 putlut a ni a, hienghai lai hin MLA hai hlaw sukpungna ding Assam Legislative Assembly Members’ Salaries, Allowances and Pension (Amendment) Bill khom a ṭhangsa bok a nih.

Hi Bill siemṭhat tum dungzui chun, Assam MLA hai thlatin hlaw chu Rs. 40,000 anthokin Rs. 60,000-a sukpung tum a ni a, hmun dang danga anthoka thlatin le kumtina an i dong hlak sum hai khom sukpung dinga ti a nih.

MLA bang tah hai pension hlaw khom Rs. 20,000 anthokin Rs. 30,000-a sukpung dinga rotna siem a ni a, an medical le travelling allowance hai khom thlep khata sukpung dinga ti a ni bok.