Federation of Industry and Commerce of North East Region (FINER) hmalakna’n zani khan Delhi khawpui-ah India hmarsaka MP hai chun inrawntuona an nei a; DoNER minister chu NEC chairman ni sunzom zing sienkhom, Planning Commission inṭhuoidan angin NEC deputy chairman nghet siem nisien tiin MP hai chun ngaidan an hril.
North East MPs Forum president PA Sangma chun, NEC chu India hmarsak biela hmasawnna riruongtu le enkoltu dinga indin nisienkhom sum semdartu a’n chang tah thu a hril a, NDA sorkar hmasak laia ministry tinin 10% budgetary allocation an sie chu DoNER kuomah an inhlan sawng hlak hi thil fedan ding an nawh, tiin a hril. Hiengang bokin NEC khom inter-project tenau hai chauh a lak hlak niin a hril bawk.
Zanita inṭhungkhawmnaa khan India hmarsak State 8-a MP hai bak-ah, DoNER minister general (retd) VK Singh le Minister of State for Home Affairs Kiren Rijiju hai khom an ṭhang bok a nih.
