Bomb ṭum 5 ka sukpuok: Lalringthang

Aizawl, August 8, 2014: Aizawl khawpuia bomb sukpuok keihnawia Mizoram police ha’n an man Lalringthang (k. 45) s/o (F) PT Kaia (Muoltluong, Diphucherra, Cachar District, Assam) chun tu kuma Aizawl-a bomb ṭum 6 sukpuok hai laia ṭum 5 hai chu a sukpuok a ni thu Court-ah a hril.

Lalringthang hrildanin, tu kum April 18 zan dar 11-a bomb sukpuok ruok chu a thaw a ninaw a, a bak 5 po chu a thaw niin, bomb a sukpuok hai chu gelatine vong an nih, tiin a hril.

Lalringthang hin HD Hmangaiha (k. 53) s/o Bawnga (Govt. Complex, Aizawl) leh Bawngkawn-ah gelatine an inchawk hlak a, gelatine tluon 7 anthoka 15 vel khit khawmin an sukpuok hlak niin a hril. Lalringthang hi bomb sukpuokna dinga a chang velna dingin HD Hmangaiha-in Rs. 8000 vel a pek niin a hril bawk.

Hienglai zing hin, Aizawl-a bomb sukpuok keihnawia man ve tho HD Hmangaiha chun bomb sukpuokna-ah an hnamhnoih naw thu Court-ah a hril a, Lalringthang chu khel hril-ah a’n tum bok a nih.