TOPICS

Browse news based on the categorised topics:

Tiemchin umloin CCPur-a private sikul hai khar

Posted by Lalremlien Neitham

CCPur, August 8, 2014: Churachandpur district huom sunga private sikul 52 inzomkhawm Churachandpur District Private Schools Association (CDPSA) hai chun pawl ṭhenkhatin an member hai kuomah dan kalin sie an khon hlak lei le an inṭhinahai an demna le nuorna’n tiemchin umloin an sikul hai voisun anthok an khar.

Zani khan CDPSA hai chun general body meeting neiin, sikul naupang hai hmakhuo ngaituona le hienganga dan kala sum inhnina le invauna hai an dodal inentirna’n an sikul hai chu khar dingin an rel a nih.

CDPSA thusuok chun, “Hiengang ngirhmun a hin sikul enkol le inchuktirna sunzom a harsa leiin CDPSA chun harsa ti takin hiengang hin lungruol takin a dodalna dingin thutlukna a siem a nih,” tiin a hril.

Private sikul inzomkhawm hai chun sorkar thuneituhai le mipui hai kuomah, district sunga inchukna tieng nelumna le inkeihruoia ṭha tak a um nawk theina dingin an ṭhangpuina le thlopna a ngen bok a nih.

CDPSA hin sikul ṭhenkhat kuoma dan kala sie khontu le inṭhitu pawl hai hming le an sum hni zat hai hril lang naw hai sienkhom, tulai hnai hin hieng pawl hai hin hmun hrang hrang-ah sum khonna lekha an pek ni dingin an thusuok chun a hril thawi a nih.


SHOW YOUR ADS HERE

Blog, Updated at: 12:11 PM

Receive updates by e-mail

RECENT NEWS

RECENT COMMENTS

Blog Archive