CCPur SP le police hai hmalakna lawm

CCPur, August 7, 2015: Zomi Youth Association (ZYA), GHQ chun Thawleni August 5 khan thusuok siemin, CCpur SP K. Kabib le CCPur SDPO Emmanuel Fimate hmalakna’in police ha'n zu le inruithei tam tak an man dokna thu-ah an lawm thu an hril a, mipui ta dingin an sinthaw sunzom pei dingin an ngen bawk.

ZYA GHQ-in kum 2014-15 chu "Inruithei dodal kum” tiin an puong a, chu taka dingin unit 103, block 13, constituent unit 7, le GHQ level-ah ṭhang lak a ni laiin police hai sinthawna hmu thei dinga a um hi lawmum an ti thu puongin, pawl hrang hrang khoma SP le a team hai hmalakna thlop a, ṭawiawm seng dingin ZYA Gen HQ chun a ngen bok a nih.