Kohima Hmar Christian Fellowship Ṭhalai Day voikhatna

Kohima, August 11, 2014: Zani Pathienni August 10 khan Kohima Hmar Christian Fellowship (KHCF) Ṭhalai Day hmasatak ding chu items chi hrang hrang leh ropui takin an hmang niin ei thu lakna’n a hril.

KHCF hi March 20, 2005 khan indin niin, ṭhalai member khom an pung peia; tuhin ṭhalai member 40 an tling tah ni a hril a nih. KHCF Ṭhalai Pawl hi “Fellowship Ṭhalai Pawl” ti a ko a nih. KHCF hin kohran le hnam thlier hran bik a nei naw a, fellowship a hin Pathien be tlang nuom hai chu an inleng vong niin ei thu lakna’n a hril bawk.