TOPICS

Browse news based on the categorised topics:

Assam-ah HIV natna invoi mi 9,000 chuong

Posted by Lalremlien Neitham

Guwahati, August 14, 2014: Tuchena Assam-a HIV natna invoi mi 9,000 chuong hmusuok an tah, tiin Assam sorkar chun zani khan Assembly House inkhawmna-ah a hril.

Assam health minister aiaw-a zieka a donna a chun, agriculture minister Nilamani Sen Deka chun, tu kum March 31 chen khan Assam-a HIV natna hri invoi mi 9,100 hmusuok a ni thu a hril.

Assam district hai laia HIV natna invoi tamna tak chu Kamrup Metro district-ah 3570 a ni a, Cachar-in dotin mi 1886 HIV natna invoi an um a, Dibrugarh-ah 630, Nagaon-ah 418 le Golaghat-ah mi 304 an um bok a nih.

Deka chun, State sunga HIV/AIDS natna hri inkaisawng vengna dingin Department of AIDS Control ti dan angin Assam State AIDS Control Society chun National AIDS Control Programme (NACP) sinthawna hmangruo a thaw mek thu a hril a, Targeted Intervention khom NGO hai fethlengin High Risk Groups hieng nuhmei inzor, damdawi inchieu, truck khaltu le inpem hai lai khom thaw mek a nih, tiin Deka chun Assembly-ah a hril.


SHOW YOUR ADS HERE

Blog, Updated at: 11:29 AM

Receive updates by e-mail

RECENT NEWS

RECENT COMMENTS

Blog Archive